பதநீ, நொங்கு ...... வன்னியம்பட்டி

வீட்ல பூனை குட்டி போட்ருச்சு, பூனைக்குட்டி பாத்தாச்சு. கோழி வாங்கி, அடை வச்சு கோழிக்குஞ்சு பாத்தாச்சு நம்ம அமரோட அண்ணன் மார்­ஷல் (கன்னி வேட்டை நாய்). அவர் வாரிச பாக்க வேணாமா?

முனியப்பன், அமர், அஷூ மூணு பேரும் மார்ஷ­லுக்கு ஜோடியா ஒரு ராஜபாளையம் நாய்க்குட்டிய வாங்க ராஜபாளையம் போனாங்க. ராஜபாளையத்துல ஒரு Dog Breeder கிட்ட போன் பண்ணி நல்ல ஃபீமேல் குட்டியா செலக்ட் பண்ணிட்டுத் தான் போனாங்க.

போற வழில ஸ்ரீவில்லிபுத்தூருக்கும் ராஜபாளையத்துக்கும் இடையில ரோட்டோரமா, ஒரு எடத்துல இளநீர் வித்துக்கிட்டிருந்தாங்க. திரும்ப வர்றப்ப அங்க இளநீர் குடிக்கணும்னு முனியப்பன் முடிவு பண்ணிட்டார். ராஜபாளையம் போனாங்க, நாய்க்குட்டிய வாங்கிட்டு ஒடனே மதுரைக்கு ரிட்டர்ன்.

இளநீர் கடைல காரை நிப்பாட்டியாச்சு. அமர் இளநீர் வாங்க போய்ட்டார். கடையில மூணு பாத்திரம் வச்சிருந்தாங்க. முனியப்பன் காபி இருக்கான்னு கடைக்காரர்ட்ட கேட்டார். கடைக்காரர் சிரிச்சிட்டார். என்னன்னு பாத்தா ... அந்தக் கடையில இந்தப் பக்கம் நொங்கு. பாத்திரத்துல பதநீ. பதநீல நொங்க போட்டு கொடுக்கறாங்க.

நொங்கு .... சூப்பர் டேஸ்ட். ரொம்ப இள நொங்கு, பச்ச நொங்கு எப்படி இருக்கும் ? ..... ரொம்ப நைஸ். அந்த இடம் வன்னியம்பட்டி. ஒரு டம்ளர் அஞ்சு ரூபா தான்.

பதநீல நொங்கு கலந்து கொடுக்கறது குறிப்பிட்ட காலத்துல மட்டுந்தான். அது தை மாசத்துல இருந்து ஆடி வரைக்கும் தான்.

வித்தியாசமான அனுபவங்கள்.... இந்த மாதிரி எப்பவாவது கிடைக்கும். அது ஒரு தனி அனுபவம்.

OAP உம்மா

OAP ங்கறது Old age pension. தமிழக அரசால் ஆதரவற்ற முதியோர்களுக்கு, விவசாயக் கூலிகளுக்கு, விதவைப் பெண்களுக்கு, உடல் ஊனமுற்றோருக்கு, வயது 50ஐக் கடந்தும் மணமாகாத பெண்களுக்கு வழங்கப்படும் உதவித் தொகை. சுருக்கமா OAP. மாசா மாசம் ஒரு தொகை வந்துரும்.

மொதல்ல மாசம் 150 ரூபா, அப்புறம் 200 ரூபா , அதுக்கப்புறம் 250 ரூபா, பிறகு 400 ரூபா, அடுத்து 500 ரூபா, இப்ப மாசா மாசம் 1000 ரூபா.

இந்த திட்டத்துக்கு மனு போட்டு VAO, RI, தாசில்தார் கையெழுத்து வாங்கி கலெக்டர் ஆபிஸ்ல கொடுத்தா தகுதியானவங்களுக்கு சாங்சன் ஆயிரும்.

இந்த ஓஏபில வயதுச் சான்றிதழ் டாக்டர்கிட்ட வாங்கணும். முனியப்பனும் வயதுச் சான்றிதழ் போட்டுக் குடுத்துருவார். 1989ல இருந்து OAPக்கு வயதுச் சான்றிதழ் கொடுக்கும் முனியப்பன் அதுக்கு காசு வாங்குறது இல்லை...ஃப்ரீ ... எல்லாருக்கும்.

இந்த 22 வரு­த்துல ஒருத்தர் ஒரு கேக் வாங்கி கொடுத்திருக்கார். ஒருத்தர் ரெண்டு பச்சை வாழைப்பழம் கொடுத்திருக்கார். ஒரு கிழவி 10 ரூபாய கையில திணிச்சிட்டு போயிருக்கு.

ஒத்தக்கடை மார்க்கெட் ஏரியால இருந்து ஒரு கிழவி வரும். "அப்பே, நீ கையெழுத்து போட்டு எல்லாருக்கும் ரூபா வருதுப்பே"ன்னு முனியப்பன் மொகத்தோட அது மொகத்த வச்சு கொஞ்சி ஒரு முத்தம் - உம்மா கொடுத்துட்டுப் போயிரும்.

OAP நல்ல விசயம் ... அதுல வயதுச் சான்றிதழுக்குக் காசு வாங்காம கையெழுத்து போடுறது, ஒரு சேவை - சர்வீஸ். முனியப்பனுக்கு அந்த பாக்கியம் கிடைச்சிருக்கு.